სასჯელი ჩაუდენელი დანაშაულისთვის
1942 წელს დაიჭირეს 805-ე პოლკის ჯარისკაცი კარლო თავბერიძე, დაბადებული 1915 წელს, მცხოვრები ჩოხატაურის რაიონის ს. ზენობანში, მას ბრალად დასდეს შემდეგი: ფაშისტური ფურცლის შენახვა სამშობლოს გაყიდვის მიზნით. მიუსაჯეს გადასახლება 10 წლით. ფურცელზე, რომლის შენახვისთვისაც გადაასახლეს ბრალდებული და რომელიც ნივთმტკიცებად აქვს საქმეს დართული, ვკითხულობთ (სტილი დაცულია):
ძ მ ე ბ ო ქ ა რ თ ვ ე ლ ე ბ ო!
ჩვენ, თქვენი ძმები ვდგავართ გერმანულ ჯარის რიგებში, ჩვენი ქვეყნის საზღვრებზედ, თქვენ გასანთავისუფლებლად!
შესდექით! არ ესროლოთ თქვენ ძმებს!
გადმოდით ჩვენს მხარეზედ!
შეაბრუნეთ იარაღი თქვენი მჩაგვრელთა წინააღმდეგ!
ქართველი ლეგიონერები
ქ ა რ თ ვ ე ლ ე ბ ო!
ოცდა ერთი წელიწადია რაც საბჭოთა მთავრობა გტანჯავთ, ახლა კი უნდათ, რომ თქვენ იმსხვერპლოთ სიცოცხლით
ძ ი რ ს მ ო ნ ო ბ ა!
ჩამოაგდეთ ბოლშევიკების თქვენ ზურგზე უღელი! გადმოდით ჩვენთან, ჩვენ გელოდებით თქვენ, ნუთუ თქვენ გინდათ, იომოთ თქვენ ძმების წინააღმდეგ, რომლებიც იბრძვიან ჩვენ რიგებში თქვენი სამშობლოს განთავისუფლებისათვის.
ერთათ თქვენთან ჩვენ ვიბრძვით:
კოლხოზების წინააღმდეგ.
თავისუფალ ვაჭრობისას და ხელოსნობისას.
ნაციონალურ წარმოებისათვის.
ქართულ სკოლების აღსადგენათ და თავისუფალ ეკლესიების აღსადგენათ.
გაუმარჯოს თავისუფალ საქართველოს და ძლიერ გერმანიის მეომართა ჯარს.
(ფონდი #6, საარქივო #42387, ყუთი #64, თაბვერიძე კ. ა.)
No comments:
Post a Comment